آی منیم آلینماز قالام تئلیمخان
سلیمان نوراللهی
مندن سنه اولسون سلام تئلیمخان
آی منیم آلینماز قالام تئلیمخان
آنا یوردون سنین مزلهقان چایی
شاهسون ائلینه سالیبسان هایی
کیمه آللاه وئریب سن کیمی پایی
گلمیشم عطریوی آلام تئلیمخان
آی منیم آلینماز قالام تئلیمخان
قبریوین گؤرورم پوزغوندور داشی
باخدیقجا گؤینویوز اورهییم باشی
مینیئردهن تؤکولور گؤزومون یاشی
اذن وئر یانیندا قالام تئلیمخان
آی منیم آلینماز قالام تئلیمخان
غصهلر قلبیمی گتیریب درده
قوی سؤزون اوستوندهن گؤتوروم پرده
مظلوملارین قانی قالیبدیر یئرده
گرک او قانلاری آلام تئلیمخان
آی منیم آلینماز قالام تئلیمخان
+ نوشته شده در دوشنبه هشتم آبان 1385ساعت 16:22 توسط ساوچی اوغلو
|