آدین داغیلیبدیر جومله جهانه
عاشیق علی رمضانی «گونش»
باش گؤتوروب آیاغییا گلمیشم
من موریدم سن منه پیر تئلیمخان
ازل گوندن سنی اوستاد بیلمیشم
من موریدم سن منه پیر تئلیمخان
هر یئرده سن هئچ دوشمهرهی دیلیمدن
اوخویارام هر نه گلسه الیمدن
بولبولم آیریلدیم سن تک گولومدن
من موریدم سن منه پیر تئلیمخان
آدین داغیلیبدیر جومله جهانه
سؤزلرین ائشیدن اولور دیوانا
شعرلرین بیر یازیلایدی دیوانا
من موریدم سن منه پیر تئلیمخان
موریدلرین سالدی قبرین داشینی
هامی تؤکدو گؤزدن حسرت یاشینی
گونش وئرهر سنه جان و باشینی
من موریدم سن منه پیر تئلیمخان
من هر زامان گلسم مزارین اوسته
اللریمده گتیریرهرم گولدسته
ازلدن اولموشام سنه دلبسته
من موریدم سن منه پیر تئلیمخان
+ نوشته شده در دوشنبه هجدهم دی 1385ساعت 14:13 توسط ساوچی اوغلو
|