حکيم تئليم خان

تئلیم خان

گؤندرن: مهندس امیری

فروکئش اوْلوبدور اصل اَيه­لري

بد اصيل­لر مئيدان ديلر, هوْو ديلر

حيمار پالانيني ساليبدير يئره

زين­پوشونو بگرس ديلر, نو ديلر

مايه­لر اسره­ييب, منسوخ اوْلوب نر

مئيداني بوْش گؤروب موٍباريز ايستر

کمال و رشادت ايتيب اصل و فر

چاخير ايچن گئچي قوردا دوْو ديلر

صدر- مجليس دوْلوب آنلاماز- نادان

نه اومارسيز بو حياسيز دوٍنيادان

بئدوو قطع- نظر ائديب آرپادان

حيمار هر شام بئش تبريزي جو ديلر

کمال اوْوو اوجا داغدان آشيبدير

يوْل بَلَدي دوْغرو يوْلدان چاشيبدير

لاچين, شونقار شيکارگاهدان دوٍشوبدور

چالاغانلار مير شيکارا اوْو ديلر

تئليم سني نامرد سؤزو داغلادي

نوکيسه­لر اؤزلرين مرد چاغلادي

نرّه شيرلر آسدي کسدي باغلادي 

توٍلکو ايندي قيلينجينه سوْو ديلر